O río Gato discorre por Cartelle por un estreito e profundo canón antes da súa confluencia co río Arnoia. En todo o seu percorrido poderemos ver varias mostras de muíños de auga dispostos sobre a súa beira.
Debemos ter en conta que este lugar está completamente apartado da civilización e o seu acceso é moi difícil.
No río veremos dous muíños chamados de Hermenegildo e Dous Herdeiros. Xunto aos muíños existe unha gran pedra que cruza o río e que era utilizada para o paso cara O Montouto.
Tamén se chegará a Fervenza do Río Gato que cando o río leva auga convértese nun bo espectáculo.