Calidade ambiental do aire, a través da avaliación dos datos de partículas en suspensión (PM₁₀ e PM_2,5).

As partículas en suspensión (ou material particulado) son una mestura de partículas (sólidas ou líquidas, orgánicas ou inorgánicas) suspendidas no aire, coñecidas como aerosois, con ampla gama de tamaño e composición química.

O Real Decreto 39/2017 establece que o método de referencia para a toma de mostras e a medición de PM₁₀ e PM_2,5 é o que se describe na norma UNE-EN 12341:2015 “Aire ambiente. Método de medición gravimétrico normalizado para a determinación da concentración másica de PM₁₀ ou PM_2,5 da materia particulada en suspención”.

Para empregar sistemas automáticos de medida, que proporcionan datos a tempo real, é necesario establecer a función de corrección respecto ao método de referencia. Isto realízase seguindo as indicacións da “Guía para os Estados Membros sobre medidas de PM₁₀ e intercomparación co método de referencia” e as indicacións da Norma UNE-EN 16450:2017 “Aire ambiente: sistemas automáticos de medida para a medición da concentración de materia particulada (PM₁₀ e PM_2,5)”. 

Galicia

A rede de vixilancia ambiental do aire ten definidas determinadas zonas xeográficas para cada contaminante. No caso das partículas en suspensión (PM₁₀ e PM _2,5), a zonificación do territorio galego se corresponde coas zonas de Lugo, Ourense, Pontevedra, A Mariña, Arteixo, A Coruña+área metropolitana, Santiago+ área metropolitana, Vigo+ área metropolitana, Ferrol+ área metropolitana, Oural, A Limia e Nova Galicia Rural. 

9 destas 12 zonas coinciden con áreas metropolitanas e a décima “Nova Galicia Rural” representa ao resto de concellos. 

PM_2,5

A continuación amósase a categorización da concentración de partículas no aire en función dos rangos de valores (µg/m³):

• por debaixo do limiar inferior de avaliación: ≤12;
• entre o limiar inferior e o limiar superior de avaliación: 13-17;
• entre o limiar superior de avaliación e o valor límite: 18-25;
• por riba do valor límite: >25.

PM₁₀

A continuación amósase a categorización da concentración de partículas no aire en función dos rangos de valores (µg/m³):

• por debaixo do limiar inferior de avaliación: ≤20;
• entre o limiar inferior e o limiar superior de avaliación: 21-28;
• entre o limiar superior de avaliación e o valor límite: 29-40;
• por riba do valor límite: >40.