Entre os obxectivos principais da campaña de vacinación atópase a redución do impacto das enfermidades nos servizos críticos e esenciais da comunidade, polo que se inclúe ao persoal médico e de enfermaría do Servizo Galego de Saúde.

A continuación, preséntase información máis detallada sobre as coberturas de vacinación no persoal sanitario durante a campaña actual. A cobertura refírese á porcentaxe de profesionais deste colectivo que recibiu a vacina ao longo da campaña.

Para o cálculo das coberturas, a información sobre o número de persoas vacinadas obtense a partir do Rexistro de Vacinas de Galicia, mentres que o número total de profesionais foi calculado a partir dos datos de persoal sanitario activo ao comezo da campaña de vacinación.