Iniciativa impulsada pola Área de Lingua da Deputación da Coruña, un grupo de conversa en galego perfecto para quen desexe empregar máis a nosa lingua no seu día a día ou mellorar a súa expresión oral nun ambiente acolledor e sen presións.

O obxectivo é crear un espazo de participación, confianza e aprendizaxe, onde poidamos falar, escoitar e compartir experiencias sen medo a equivocarnos.

Non é unha clase tradicional, senón un lugar onde nos atopamos para falar de temas diversos como cultura, actualidade, música, libros e moito máis. 🎶📖 As persoas dinamizadoras estarán alí para propoñer temas e garantir que todas poidan participar.