Trátase dun servizo integral e especializado que intervén sobre todas as esferas (cognitiva, funcional e motriz e emocional e psicosocial) que compoñen á persoa, intervindo tanto no persoa usuaria como nas familias.
Debido á heteroxeneidade das persoas beneficiadas deste servizo diferéncianse tres tipos de metodoloxías de traballo: traballo terapéutico con persoas usuarias en estadio leve (GDS 3 y 4: demencia leve), con persoas usuarias en estadio moderado (GDS 5 y 6: demencia moderada e moderadamente grave) e con persoas usuarias en estadio avanzado (GDS 7: demencia grave).
A área de intervención terapéutica abrangue as seguintes esferas:
- Cognitiva: terapia de orientación á realidade, de reminiscencia e estimulación cognitiva.
- Funcional e motriz: habilidades funcionais de desempeño ocupacional, psicomotricidade, fisioterapia, xerontoximnasia.
- Emocional e psicosocial: musicoterapia, ludoterapia, ergoterapia-laborterapia,

O obxectivo principal desta área de intervención consiste en proporcionar o maior benestar posible ás persoas usuarias, satisfacendo as súas necesidades básicas (nutrición, hidratación, hixiene e aseo persoal, seguridade, afiliación…) e mellorando a súa calidade de vida.
Así, dentro do programa de intervención global do centro atópase unha serie de servizos básicos:
- Servizo de nutrición e hidratación.
- Servizo de hixiene e aseo persoal.
- Servizo de apoio sanitario.

Dende o Programa de Atención Asistencial realízase a acollida e entrevista ás familias que acoden por primeira vez a AFAMO e proporciónaselles asesoramento, orientación e información básica sobre a enfermidade de alzhéimer e sobre o impacto que produce na familia afectada; dánselles pautas xerais de actuación con respecto a persoa afectada de alzheimer e advírteselles da gran importancia que ten o coidado da propia persoa coidadora.
Unha vez valorada a situación concreta de cada familia, infórmaselles acerca dos programas e actividades que se desenvolven na Asociación que máis se axustan ás súas necesidades.