Iniciativa que pretende desenvolver espazos de información, formación e reflexión dirixidos ás familias con menores a cargo para que estas adquiran dinámicas familiares saudables que faciliten a convivencia e a comunicación.
As sesións da Escola de familias lévanse a cabo na Ludoteca municipal.

Iniciativa que ten como finalidade a promoción e o fomento da saúde de toda a veciñanza de Moaña.

Programa de formación en ferramentas tecnolóxicas dirixido ás persoas maiores, de xeito que lles permita non só manterse conectadas cos seus seres queridos, senón tamén abrirlle as portas de novas oportunidades de aprendizaxe, lecer e participación cidadá.
Os cursos de dixitalización levaranse a cabo en:
• Meira: 26-28 de maio e 2-4 de xuño (de 6 a 8 da tarde), luns e mércores.
• Domaio: 27-29 de maio e 3-5 de xuño (de 5 a 7 da tarde), martes e xoves.
• A Tioura Broullón: 10, 17, 24 de xullo e 1 de agosto (de 10 a 12:30), catro martes seguidos.
• San Martiño Abelendo: 9, 16, 23 e 30 de xuño (de 10 a 12:30), catro luns seguidos.
Para apuntarse teñen que inscribirse en servizos sociais coa técnica de actividades socioculturais do Concello ou no teléfono 986.310.100 Ext. 3240.

Programa dirixido ás persoas maiores de 55 anos que ten como obxectivo mellorar a calidade de vida e a saúde integral destas persoas.
As actividades consisten en clases de Ioga, ximnasia e memoria e lévanse a cabo en varios lugares do Concello (Domaio, Meira, Berducedo, Tirán, O Real, Abelendo, A Tioura en Broullón).

Iniciativa de apoio ao dó por suicidio posta en marcha polo Concello de Moaña e a asociación DOA Saúde Mental.
O grupo será coordinado por unha psicóloga que actuará como facilitadora para que os integrantes compartan as súas experiencias e deixen de ver o suicidio como un tabú.
Máis información no tlf. 986304015 e/ou no correo: estrelagomezg@asodoa.org.

Programa destinado ao alumnado de primaria e secundaria, con sesións diferenciadas para ambos grupos de idade, destinado ao fomento da educación en igualdade.
As sesións formativas teñen lugar na Ludoteca municipal cada 15 días.