Entidade básica da organización territorial. Exerce como competencias propias, as seguintes materias:
- Promoción do deporte e instalacións deportivas e de ocupación do tempo libre.
- Promoción da cultura e equipamentos culturais.
- Información e promoción da actividade turística de interese e ámbito local.
- Feiras, abastos, mercados, lonxas e comercio ambulante.
- Protección da salubridade pública.
- Abastecemento de auga potable a domicilio e evacuación e tratamento de augas residuais.
- Actuacións na promoción da igualdade entre homes e mulleres así como contra a violencia de xénero.
- Avaliación e información de situacións de necesidade social e a atención inmediata a persoas en situación ou risco de exclusión social.
- Participar na vixilancia do cumprimento da escolaridade obrigatoria e cooperar coas Administracións educativas correspondentes na obtención dos solares necesarios para a construción de novos centros docentes. A conservación, mantemento e vixilancia dos edificios de titularidade local destinados a centros públicos de educación infantil, de educación primaria ou de educación especial.
- Urbanismo.
- Medio ambiente urbano.
- Infraestrutura viaria e outros equipamentos da súa titularidade.
- Policía local, protección civil, prevención e extinción de incendios.
- Tráfico, estacionamento de vehículos e mobilidade. Transporte colectivo urbano.
- Cemiterios e actividades funerarias.
- Promoción no seu termo municipal da participación dos cidadáns no uso eficiente e sostible das tecnoloxías da información e as comunicacións.