O colexio Martínez Otero é un centro educativo concertado, mixto e laico. Conta na actualidade con máis 25 profesores e aproximadamente 300 alumnos, que cursan, desde Educación Infantil ata ESO.
O equipo docente conta coa titulación correspondente e asiste regularmente a cursos de actualización para poder ofrecer a mellor educación posible ao alumnado. Tanto a actividade académica como a extraescolar desenvólvese nas instalacións que o centro posúe no pobo de Foz. Conta con pavillón polideportivo cuberto e patio deportivo e de recreo, ademáis de dous ximnasios. Así como con servizo de comedor, transporte e biblioteca. Durante o curso escolar e sempre en horario compatible coas tarefas lectivas, ofrece aos estudantes a práctica de varias modalidades e especialidades deportivas: baloncesto, campo a través e atletismo, xadrez, tenis de mesa e bádminton.