A Oficina Municipal de Información Xuvenil (OMIX) é o departamento do Concello que presta servizos de atención á mocidade de Castro Caldelas.
Ten como funcións poñer en marcha os programas deseñados pola Concellería e realizar a labor de interlocución entre a administración local e os mozos de Castro Caldelas.
Entre as súas funcións están informar acerca dos programas, actividades, cursos e convocatorias da Dirección Xeral de Mocidade, de convocatorias como “Iniciativa Xove” e outras actividades convocadas polas administracións públicas.
A OMIX é o órgano administrativo encargado de tramitar a participación en programas de campamentos para mozos, intercambios, estadías noutros países, campos de traballo, roteiros, etc.