O pavillón municipal de Castrelo conta cunha pista polivalente na que, ademais, desenvólvense todas as actividades deportivas encadradas nas Escolas Deportivas.
Así mesmo, os veciños e veciñas de Castrelo de Miño poden facer uso do ximnasio que se atopa contiguo ao pavillón, que conta cun destacado equipamento: mancuernas, cintas de correr, step, TRX e bicicletas elípticas, entre outros.
Para facer uso destas instalacións, os veciños e veciñas han de inscribirse gratuitamente nas dependencias municipais.
O complexo conta á esquerda do edificio do Parque Náutico cun albergue de 56 prazas, xestionado na actualidade pola empresa Móvete. No mesmo edificio tamén se atopa un salón de actos, a sala TurCastrelo, a cafetería-restaurante, a sede de Protección Civil e zonas de lecer.