A rede de carreiros de morfoloxía circular perfectamente balizados permite que o usuario escolla o sentido da marcha en función do seu tempo e estado de forma. Optando ben polo bucle curto de 11 km ou o longo de 15km se decide completar a ramificación ata a área Recreativa de Loñoá.

En calquera das dúas opcións poderemos descubrir os bosques de galería e a fauna típica no río Laña, ou de montaña desde varios miradoiros nos montes da Chaira. Pero sen dúbida o verdadeiro atractivo deste roteiro pasa por coñecer de primeira man, con toda a información ao noso alcance, a enxeñería hidráulica escondida detrás de cada pequeno muíño.