​

A taxa de positividade do virus respiratorio sincitial diminúe e sitúase no 7,6 % na semana 9 do ano, que rematou o día 1 deste mes, tal e como recolle o informe semanal​ de seguimento deste virus que publica a Consellería de Sanidade. 

Na semana recollida no informe, observouse un aumento da taxa de consultas en todos os grupos de menores de dous anos.

En canto ás hospitalizacións, non se rexistrou ningún ingreso no grupo de nados entre abril e setembro de 2025 e rexistrouse unha hospitalización nos lactantes menores de dous meses. 

Nestes grupos, a cobertura da inmunización fronte ao VRS é do 93  % no caso dos bebés que son vacinados nos hospitais galegos ao nacer dentro das datas da campaña e do 95,4  % para os nados fóra de campaña, de abril a setembro de 2025.

Sobre ingresos hospitalarios de nenos que xa pasaron algunha tempada de VRS, na última semana produciuse un ingreso entre os nados do 1 de abril de 2024 ao 31 de marzo de 2025; sen rexistrarse ingresos no grupo de nados entre o 1 de abril de 2023 ao 31 de marzo de 2024.

En adultos, nos datos recollidos no último informe rexistráronse 21 ingresos con VRS en persoas maiores de 60 anos, das cales 15 son maiores de 80.