O contido vai dirixido a técnicos sanitarios e persoal de ONG que traballan no campo do VIH, tratando o tema das novas infeccións polo virus da inmunodeficiencia humana e outras infeccións de transmisión sexual. Desta maneira, infórmase sobre o importante cambio que se produce cando este problema sanitario se considera desde a perspectiva de infección e non de enfermidade. Coñecemos así as características actuais da epidemia destas infeccións, tanto no que se refire ás persoas afectadas, prácticas de risco e distribución temporoespacial.