O Plan de control da cadea alimentaria en Galicia constitúe o documento no que se reflicte a planificación das actividades de control oficial recollidas no PNCOCA nesta Comunidade Autónoma, abarcando a totalidade da cadea alimentaria, dende a producción primaria ata o consumidor final. O documento elaborouse para visualizar nun único texto todas as actividades de control oficial que as distintas unidades da Xunta de Galicia con competencias en materia de seguridade alimentaria realizan. Estrutúrase en distintos apartados, coa finalidade de reflectir dunha forma ordenada as estruturas administrativas, competencias, recursos, criterios operativos de planificación e de mellora continua das actividades de control.