A vacinación fronte ao rotavirus (RV) consta dunha vacina oral con virus atenuados vivos administrada aos 2 e aos 4 meses de idade, a primeira dose preferentemente antes das 16 semanas de idade e a segunda antes das 24 semanas. Pode atopar máis información consultando o calendario de inmunización do Programa Galego de Vacinación na seguinte ligazón: Calendario de Inmunización.

No presente indicador avalíase a cobertura vacinal fronte ao rotavirus mediante o cálculo da porcentaxe de nenas e nenos que recibiron alomenos 2 doses. No numerador do presente indicador figurará o número de nenas e nenos vacinados con alomenos 2 doses desta vacina e no denominador incluiranse todas as nenas e nenos da mesma cohorte de nacemento.