A vacina fronte a difteria e tétanos (Td) é unha vacina de uso en poboación infantil (formando parte do calendario de vacinación sistemática) e de poboación adulta (completando calendario vacinal con 5 doses ou como reforzo ante determinadas situacións de risco). Así mesmo, está indicada unha dose de recordo con Td aos 65 anos. Pode atopar máis información consultando o calendario de inmunización do Programa Galego de Vacinación na seguinte ligazón: Calendario de Inmunización.

No presente indicador avalíase a cobertura vacinal fronte á difteria e tétanos (Td) mediante o cálculo da porcentaxe de persoas que recibiron alomenos 1 dose de Td. No numerador do presente indicador figurará o número de nenas e nenos vacinados con alomenos 1 dose desta vacina e no denominador incluiranse todas as persoas da mesma cohorte de nacemento.