Definición: Este indicador achega información sobre o número de establecementos, servizos e instalacións fixas de tratamento inscritas no Rexistro oficial de establecementos e servizos biocidas (ROESB) da comunidade autónoma de Galicia en cumprimento da Orde do 26 de maio de 2008 pola que se crea o Rexistro Oficial de Establecementos e Servizos Biocidas, e se establecen as bases para a inscrición neste e o seu funcionamento na comunidade autónoma de Galicia, obxecto de control oficial no marco do Programa de vixilancia sanitaria de establecementos, servizos e produtos biocidas.

Sendo un dos filtros os tipos de entidades, definidos como:

• Establecementos biocidas, definidos como os locais ou instalacións onde se fabriquen e/ou formulen e/ou envasen biocidas, asi como nos que se almacenen e/ou comercialicen biocidas.
• Servizos biocidas, definidos como  as persoas físicas ou xurídicas que efectúen tratamentos con aplicación de biocidas.
• Instalacións fixas de tratamento, definidas como os establecementos con cámaras de fumigación, balsas de inmersión e outras instalacións fixas destinadas á realización de tratamentos biocidas.