Definición: Este indicador achega información sobre o número de establecementos que se vixilan dentro do Programa de vixilancia sanitaria de sanidade mortuoria.

Esta información tamén se pode atopar diferenciando o tipo de establecemento. Sendo os tipos os seguintes:

• Tanatorio. Establecemento funerario  habilitado como lugar de etapa intermedia do cadáver, entre o lugar do falecemento e o destino final, debidamente acondicionado para a realización das técnicas de tanatopraxia, tanatoplastia e tanatoestética, e para a exposición e vela dos cadáveres.
• Velorio. Establecemento funerario habilitado como lugar de etapa intermedia do cadáver, entre o lugar do falecemento e o destino final, debidamente acondicionado para a exposición e vela dos cadáveres.
• Empresa funeraria. Empresa que legalmente presta os servizos de manipulación e acondicionamento dos cadáveres ou restos e/ou transporte destes, xunto coa subministración de bens e servizos complementarios para os ditos fins.
• Cemiterio. Recinto pechado adecuado para inhumar cadáveres, restos cadavéricos, restos óseos, cinzas ou restos humanos, así como para o depósito de cinzas, ou restos óseos, se é o caso, que conta coa oportuna licenza municipal e demais requisitos exixidos pola normativa aplicable. Dentro dos seus límites poderán existir edificios e instalacións de carácter relixioso ou establecementos funerarios descritos no Decreto 129/2023, do 31 de agosto, de sanidade mortuoria de Galicia.
• Crematorio. Establecemento habilitado para a incineración de cadáveres, restos humanos, restos cadavéricos ou restos óseos que conta cos requisitos exixidos pola normativa aplicable propios deste tipo de instalación.

Este indicador axuda a que a poboación estea informada da cantidade de establecementos relacionados coa sanidade mortuoria que están sendo vixilados para eliminar os riscos para a saúde ligados a estes establecementos.