Definición: Este indicador achega información sobre o número de instalacións que se vixían dentro deste Programa.

Sendo un dos filtros os tipos de instalacións, definidos como:

• Torres de refrixeración (TR) e condensadores evaporativos (CE) que son sistemas que producen aerosois ao exterior ao arrefriar o aire usado en sistemas industriais e en aires acondicionados.
• Sistemas de auga quente sanitaria, que teñen un sistema de retorno (AQS), entendendo como tal o que move a auga continuamente dende puntos terminais ao acumulador, co fin de que a auga quente salga instantaneamente ao abrir as duchas das estancias afastadas do acumulador.
• Sistemas de climatización con axitación constante (SAC), inclúe os sistemas de auga climatizada ou con temperaturas similares ás climatizadas (≥ 24 ºC) e aerosolización, con/sen axitación e con/sen recirculación a través de chorros de alta velocidade ou a inxección de aire, vasos de piscinas polivalente con este tipo de instalacións, vasos de piscinas con dispositivos de xogo, zonas de xogos de auga, setas, cortinas, cascadas, entre outras.
• Outros sistemas de risco de lexionelose (outros), son sistemas non contemplados noutros indicadores, que poidan xerar aerosois e ser foco de propagación da lexionelose, como os contemplados no anexo I do Real decreto 487/2022, de 21 de xuño, polo que se establecen os requisitos sanitarios para a prevención e o control da lexionelose.

Este indicador axuda a que a poboación estea informada do volume destas instalacións que están sendo vixiadas para eliminar os riscos de propagar esta enfermidade infecciosa.