Definición: Este indicador achega información sobre o número de instalacións que se vixían dentro deste programa.

Sendo un dos filtros os tipos de instalacións, definidos como:

• Piscinas de funcionamento continuo, que son piscinas que, con excepción do peche para os traballos de mantemento e reparación, permanecen en funcionamento a maior parte do ano.
• Piscinas de tempada, que son piscinas que interrompen o seu funcionamento durante máis de seis meses ao longo do ano.

Este indicador axuda a que a poboación estea informada do volume de piscinas que están sendo vixiadas para eliminar os posibles riscos sanitarios asociados a este tipo de instalacións.