Ir o contido principal

Cobertura da primeira dose da triple vírica (SRP)

A vacina fronte ao sarampelo, a rubéola e a parotidite, coñecida como “triple vírica (TV)”, é unha vacina de uso en poboación infantil (formando parte do calendario de vacinación sistemática) e de poboación adulta (dúas doses aos nados a partir de 1968). Na poboación infantil adminístranse dúas doses: a primeira aos 12 meses de idade e a segunda aos 3 anos, esta segunda dose de maneira conxunta coa vacina fronte á varicela. Pode atopar máis información consultando o calendario de inmunización do Programa Galego de Vacinación na seguinte ligazón: Calendario de Inmunización.

No presente indicador avalíase a cobertura vacinal da vacina triple vírica (TV) mediante o cálculo da porcentaxe de nenas e nenos que recibiron a primeira dose, correspondente á vacinación dos 12 meses de idade. No numerador do presente indicador figurará o número de nenas e nenos vacinados con alomenos 1 dose desta vacina e no denominador incluiranse todas as nenas e nenos da mesma cohorte de nacemento.

Calendario de Inmunización
Datos Abertos
Descargar CSVDescargar Excel
Consultar datos en modo tabla
Indicadores relacionados
Mortalidade
Esperanza de vida ao nacer

O indicador «Esperanza de vida ao nacer» é un indicador demográfico que representa o número medio de...

Contacto

Email: Observatorio.SP@sergas.gal 

Fondo Europeo de Desenvolvemento Rexional